புத்தனின் முப்பது வயது ஆண்குறி

இன்று
முதுகெலும்பற்ற ஆண்குறி
புழுவைப்போல் தொங்கிக்கொண்டிருக்கிறது
இன்னும்
மிச்சமிருக்கும் வாலிபத்தின்
ஆரம்ப வசந்தங்களில்
எல்லா அதிகாரங்களின் கயமையை
கொண்டிருந்த
அது விறைத்திருக்கும்போது
பைத்தியம்
நான் வாளேந்தியிருந்ததாகவே நினைத்திருந்தேன்
ஆனால் காமம்
தசையை விட
அதன் நிழல்களிலிருக்கிறது
என்பதை அறியத்துவங்கியபோது
அதற்கு எலும்புமில்லையென்பதை
நானும் அதுவும் அறிந்துகொண்டோம்
புழுவானது நாகத்தைப்போல் சீறும்போது
அதன் துயர்களை
ஏந்திக்கொள்ளும்
ஆற்றுப்படுத்தும்
யோனியின் தாய்மை
என் கண்களிலிருந்து விரியும் உலகில்
எங்குமேயில்லை
கனவு மைதுனங்கள் சலித்துவிட்ட
நேற்றைய இரவின்
பெளர்ணமி ஒளியில்
என் ஆண்குறியை
ஒரு கிடாராக மாற்றும்போது
இந்த உலகில் உடல்கள்
தசைகளால் படைக்கப்படவேயில்லை என்பதே
என் ஞானமாக இருந்தது.