ஏழுகடலுக்கு இப்பால்

அக்கிளி அங்கேதானிருக்கிறது
வீட்டிலிருந்து காலடி வைப்பதே
முதல் மலையைக் கடப்பதாகிறது
இந்த நகர வழியில்
சங்கேதங்கள் ஒளிர்கின்றன
அதன் நடுவிலிருப்பது
வரலாற்றின் இருதிசைகளையும் பார்க்க
வசதியாக இருக்கிறது
கட்டடங்கள் அமைந்திருக்கும் கோணங்களையும்
மறியும் தார்ச்சாலைகளையும் காண்கிறேன்
பச்சை விழக் காத்திருக்கும்
அணைக்கப்படாத எந்திர உறுமலில்
உருப்பெறும் தாளலயம் புதியதாயிருக்கிறது
மனிதர்களின் பெருமூச்சொலிகளை
செவிமடுக்கும் போதும்
தள்ளுவண்டிக்கு எலுமிச்சைக் காப்புவைத்து
பூசை செய்யும் திருநங்கைக்கு
பயபக்தியோடு நாணயத்தைக் கையளிக்கும்
குறுவியாபாரியின் முகம் நோக்கும்போதும்
ரகசியங்களின் தொலிகள்
சற்றே உதிர்ந்தாலும்
சூரியன் முற்பகலைச் சமைக்கும் இக்கணத்தில்
மனக்களைப்பு பெருகிவிட்டது
இன்னும் ஆறுமலைகள் ஏழுகடல்கள் பாக்கியிருக்கின்றன
காமத்தைப் பருக்கவைக்கும்
எதிர்பாலுடல் அச்சிடப்பட்ட
பிரமாண்ட விளம்பரப்பலகையின் கீழே
நிழலுக்கு ஒதுங்கியபோது
எதிர்கொண்ட சோதிடக்கிளியிடம்
ஏழுகடலுக்கு அப்பாலிருந்து
ஒரு சீட்டை எடுக்கச் சொன்னேன்
இங்கிருந்தே ஒன்றை
பொறுக்கி வீசிவிட்டு
தன் கூண்டுக்குள்
முகந்திருப்பிக் கொண்டது
அது.

கருத்துகள்

கருத்துரையிடுக

இந்த வலைப்பதிவில் உள்ள பிரபலமான இடுகைகள்

நம்பிக்கையுணர்வின் மீதான சூதாட்டம் - கிறிஸ்டியன் பெட்ஸோல்டு (Christian Petzold) திரைப்படங்கள்

படம்
கிறிஸ்டியன் பெட்ஸோல்டு (Christian Petzold) ஜெர்மானிய இயக்குனர். இதுவரை பதினொரு படங்களை இயக்கியுள்ளார். சமீபத்தில் அவருடைய வுல்ப்ஸ்பர்க் திரைப்படத்தைப் பார்த்தபோது அது வரிசையாக அவருடைய மற்ற படங்களிடம் அழைத்துச் சென்றது. அறுபத்தைந்து வயதாகும் பெட்ஸோல்டு இதுவரை பதினொரு படங்களை இயக்கியுள்ளார். அவற்றில் ஏழு திரைப்படங்களைக் பார்த்தேன். அந்த ஏழின் வழியாக பெட்ஸோல்டு கதையுலகத்தை ஓரளவுக்குப் புரிந்துகொள்ள முடிந்தது. அவருடைய சமீபத்திய திரைப்படம் Miroirs No. 3 இந்த ஆண்டு கேன்ஸ் திரைப்படவிழாவில் திரையிடப்பட்டிருக்கிறது
மேலும் வாசிக்க

சிறுகதை எழுதுவது எப்படி

படம்
(01/03/2026 அன்று வட அமெரிக்க தமிழ்ச்சங்கப் பேரவையின் ஏற்பாட்டில் இணையவழியில் நிகழ்ந்த சிறுகதைப் பயிற்சி முகாமில் பேசியவையின் கட்டுரை வடிவம்)                    புலம்பெயர் இலக்கியத்தின் கருப்பொருட்கள் சிறுகதை எழுதுவது எப்படி என்பதைப்பற்றி பேசுவதற்கு முன்னால் இந்த உரையாடலின் கருவான புலம்பெயர் வாழ்க்கையின் இலக்கியக் கருப்பொருட்கள் குறித்தும் பேசலாம். புலம்பெயர்தல் மனிதர்களுக்கு மிகப்பழைய விஷயம். ஆதிகாலத்தில் மனிதன் உணவுக்காக அலைந்து இடம்பெயர்வது நடந்தது. அப்படி அலைந்து திரிந்த, இன்னும் மொழி தோன்றியிராத காலத்திலும் மனிதனுக்கு தன்னுடைய நினைவைப் பதியவைக்கும் எத்தனங்கள் இருந்திருக்கின்றன என்பதற்கு குகை ஓவியங்கள் போன்றவை சாட்சியாக இருக்கின்றன. மொழி உருவானபிறகு அது மனித நினைவுகளின் பெட்டகமாக மாறுகிறது.
மேலும் வாசிக்க

பருவத்தின் பேரொளி - The Museum of Innocence

படம்
பல வருஷங்களுக்கு முன்பு, ஓரான் பாமுக் எழுதிய தி மியூசியம் ஆஃப் இன்னசென்ஸ் (வெகுளித்தனத்தின் அருங்காட்சியகம் என்றே இதை மனதில் கொண்டிருக்கிறேன், அறியாமையின் அருங்காட்சியகம் என்றல்ல) நாவலின் ஆங்கிலப் பதிப்பு வெளியானவுடன் உடனடியாக வாசித்தேன். அப்போது நாவல் பெரிதாக ஈர்க்கவில்லை. அது பாமுக்கின் முந்தைய படைப்புகளிலிருந்து சற்று கீழே இறங்கிவிட்டதாகத் தோன்றியது. நாவலின் அடிப்படையான ஆதார உணர்ச்சி பிடிபட்டாலும் அது வெகுஜனத் தன்மை உடைய நாவல் என்று தோன்றியது, இன்றைக்கும் கிட்டத்தட்ட அப்படித்தான். சங்க இலக்கியம் தொடங்கி நாளது வரையான தமிழர்களின் கலையிலும் வெகுஜனக் கலாச்சாரத்திலும் காதல் ஒரு வதிபட்ட படிமம். நமது திரைப்படங்கள் காதலைத் துவைத்துக் காயப்போட்டிருக்கின்றன. நமது கற்பனையில் இருக்கும் வடிவத்தில், நிஜ வாழ்க்கையில் காதல் இல்லை.
மேலும் வாசிக்க