குணா கந்தசாமி

வாரயிறுதியில்தான் திருமணத்தையும் வரவேற்பையும் அவன் வைத்திருந்தான். போயிருந்திருக்கவேண்டும். மறுநாளின் தலைவிதி முந்தையநாள் மாலை நிலவரத்தால் தீர்மானிக்கப்படும் இயல்பைக்கொண்ட என் வேலையின் எதிர்பாராத சிக்கல்களால் சனி ஞாயிறிலும் வேலைசெய்தாக வேண்டிய கட்டாயம். அவனுக்கு எப்படித் தகவல் சொல்வது என்று தீவிரமாக யோசித்தேன். வருத்தப்படாவிட்டாலும் ஏமாற்றமடைவான். வாட்ஸ்ஏப்பில் ஆன்லைனிலிருந்தான். தயங்கித்தயங்கி தகவலைக் கோர்த்து அனுப்ப கொஞ்சநேரம் கழித்து செல்போனின் தொடுதிரையில் ஒரு கோபமான ஸ்மைலி தோன்றியது. மறுகணம் அவனை அழைத்தேன்.ஒரே குளத்து மட்டைகள்.சிக்கல்கள் பொதுவானவை.புரிந்துகொண்டான்.