இடுகைகள்

மொழியாக்கமும் செயற்கை நுண்ணறிவும்

ஆங்கிலத்தில் elephant in the room என்று சொல்வார்கள், உடனடியான ஒரு பிரச்சனையை ஒருவரும் பேசாமல் தவிர்த்துக்கொண்டிருப்பது. தமிழ் மொழியாக்கத்தில் செயற்கை நுண்ணறிவின் பயன்பாடு அப்படியான விஷயமாக மாறியிருக்கிறது. இங்கே “இலக்கிய மொழியாக்கம்” என்பதின் அடிப்படையில் எனது தொடக்கநிலை எண்ணங்களைப் பகிர்ந்திருக்கிறேன். கீழே மூலமொழி என்று குறிப்பிட்டிருப்பது பிரதானமாக ஆங்கிலம்.

நீயே தேர்ந்தெடுக்கலாம்

படம்
ஒரு செவ்வியல் படைப்பு பல காரணங்களுக்காக அவ்வாறு அர்த்தப்பட்டாலும் உலகின் முதல் கேள்விகளுக்கான பதில்களை அது பிரதானமாக விசாரணை செய்திருக்கும். முதல் கேள்விகளுக்கான பதில்கள் சொல்லப்பட்டு அவை பழையனவாகிவிட்டனவென்றும் காலந்தோறும் உருவாகும் புதிய கேள்விகளுக்கான பதில்களை விசாரணை செய்வதே முக்கியமானதென்றும் ஒருவர் வாதிடலாம்தான். ஆனால் உலகின் முதல் கேள்விகளே கடைசிக் கேள்விகளாகவும் இருப்பதற்கான வாய்ப்பு வாழ்க்கையின் நிகழ்தகவில் மறையாமலே இருந்துகொண்டிருக்கிறது. நன்மை-தீமை, துயரம்-மகிழ்ச்சி என்ற இருமைப் புள்ளிகளுக்கிடையில் உலகின் முதல் கேள்விகள் ஓயாத ஊசலாக ஆடிக்கொண்டிருக்கின்றன.

நமது நூலகங்கள் கள்ளப்பிரதிகளின் கூடாரமாகிவிடக்கூடாது

கோவை பெரியார் அறிவாலயம் நூலகத்துக்குச் செயற்கை நுண்ணறிவின் உதவியுடன் தயாரிக்கப்பட்ட போலி நூல்கள் கொள்முதல் செய்யப்பட்ட மோசடி விவகாரம் பெரியதொரு சமூக, அரசியல் மற்றும் செயற்கை நுண்ணறிவின் பயன்பாடு குறித்த விவாதமாக தமிழ்ச்சூழலில் மாறியிருக்கிறது. பெரியார் அறிவாலயம் திறந்துவைக்கப்பட்ட மறுநாள் அங்கு சென்று பார்வையிட்ட நண்பர் பாலசுப்ரமணியன் பொன்ராஜ் அகல்விளக்கு பதிப்பகத்தின் போலி நூல்களைப் பற்றி எழுதியிருந்தார். பிறகு எழுத்தாளர் பெருமாள் முருகன் இது குறித்து சிந்தை இதழில் எழுதிய கட்டுரையின் மீது குவிந்த ஒருங்கிணைந்த கவனமும் ஆய்வுமாணவர்களான இஸ்க்ரா, பிரேம்குமார் ஆகியோரது தொடர் செயல்பாடுகளும் இந்த பொதுவெளி உரையாடலுக்குப் பங்களித்திருக்கின்றன.

ஜான்சுந்தரின் மூன்று நூல்கள்

படம்
சமீபத்தில் நண்பர் ஜான்சுந்தரின் சிறுகதைத் தொகுப்பான “பறப்பன திரிவன சிரிப்பன”, கட்டுரைத் தொகுப்பான “குறுமக்கள் கொட்டாரம்” , “துடிமேளக்காரன்” கவிதைகள் ஆகிய மூன்று நூல்களை வாசித்தேன். இவற்றின் வழியே ஜானின் படைப்பு மனதின் தனித்தன்மையை உணர்ந்துகொள்ள முடிந்தது. காருண்யமும் தயையும் கொண்ட கண்களின் வழியாக வாழ்க்கையையும் மனிதர்களையும் பார்க்கின்ற அதே தருணத்தில் பகடியும் வேடிக்கையும் மிகுந்த கணங்களை உடைத்துக் காட்டி சிரிப்பையும் புன்னகையையும் சமயங்களில் ‘சுருக்’கையும் கொடுக்கிறார் ஜான். இது அவருடைய எழுத்தின் தனித்தன்மையாக இருக்கிறது.

டோரதி (2026)

படம்
அரசியல் சரிநிலையோடு அமைந்திருக்கும் படம். திரைக்கதை பிசிறில்லாமல் மையத்தோடு ஒன்றி இறுதிவரை பயணிக்கிறது, முதல் பாதி உக்கிரமாக இருக்கிறது. ஆனால் மெலோடிராமா நாடகம் போன்ற இரண்டாம் பாதி மிகச் சுமார்.

எழுத்தாளர் சமூக ஊடகங்களிலிருந்து வெளியேற வேண்டுமா?

ரசமட்டம் இணைய இதழில் ராணி திலக் எழுதிய “ கவிஞன் – தரகன் – விற்பனைப் பிரதிநிதி ” என்ற கட்டுரை இருக்கிறது. பதிவின் தேதி இல்லாததால் புதிய கட்டுரையா, பழையதா என்று தெரியவில்லை. நண்பர் இயற்கை சுரேஷ் அதைக் குறித்து நான் எழுதலாம் என்று சொன்னார்.

இனி தமிழ் எழுத்தாளர்களுக்கு மாஸ்டர் அந்தஸ்து கிடைக்குமா?

தமிழில் இனியெந்தக் கவிஞருக்கும் எழுத்தாளருக்கும் மேஜர் பொயட், மாஸ்டர் ரைட்டர் போன்ற அந்தஸ்த்து அமையாது என்ற என் கூற்று தனிநபர் திறமை, ஆளுமை ஆகியவற்றின் அடிப்படையிலானது அல்ல. சூழலில் இருப்பதாக நான் கருதும் சில புறவயமான காரணங்களின் அடிப்படையிலானது.

எழுத்தாளர் தன் சமகாலப் படைப்புகளைப் பேசவேண்டுமா?

படம்
புத்தகங்களை நோக்கிய திரைத்துறையினரின் அணுகுமுறை குறித்து சற்றே வேடிக்கையோடு எழுதிய முந்தைய பேஸ்புக் பதிவைத் தொடர்ந்து க.விக்னேஸ்வரன் எழுதிய குறிப்பில் ‘எழுத்தாளர்கள் வாசிக்கிறார்களா, எத்தனை எழுத்தாளர்கள் மற்ற எழுத்தாளர்களின் புத்தகங்கள் குறித்துப் பேசுகிறார்கள்?’ என்ற முக்கியமான கேள்விகளை எழுப்பியிருந்தார். இது அவற்றுக்கான பதில் அல்ல, ஆனால் அந்தக் கேள்விகளினால் எழுந்த யோசனைகள். இலக்கியம் சார்ந்த அரசியல் சரிநிலையோடு பேச வேண்டும் என்பது இங்கே என் நோக்கமாக இல்லை, தனிப்பட்ட மனச்சாய்வுகள், முன்னூகங்கள், சரியானதும் பிழையானதுமான புரிதல்கள் எல்லாம் இணைந்ததாகவே விஷயங்களைச் சொல்கிறேன். இலக்கிய வரலாற்று நோக்கில் தமிழ் நவீன இலக்கியத்துக்கு இது மூன்றாவது தலைமுறை. புதுமைப்பித்தன் தொடங்கி மணிக்கொடி, கசடதபற, நடை உள்ளிட்ட நவீனத்துவத்தின் தாக்கத்தில் உருவானது முதல் தலைமுறை. வலுவான சிற்றிதழ் இயக்கம், லத்தீன் அமெரிக்க இலக்கியத் தாக்கம், கோட்பாட்டுத் தாக்கம், இடதுசாரி அரசியல், தலித்தியம், பெண்ணியம் என்று இரு தசாப்தங்களுக்கு மேலே இரண்டாவது தலைமுறை நீடித்தது. உலகமயமாக்கலும் முதலாளித்துவமும் தொழில்நுட்பமும் ஆ...

தேவநாயகி கருத்தரங்கு- இரண்டு உரைகள்

தேவநாயகி நிகழ்வில் ஜெ. மற்றும் அ.வெண்ணிலா ஆகியோருடைய உரைகளைக் கேட்டு, யூடியுப் டிரான்ஸ்க்ரிப்ஷனை வாசித்து எனது புரிதலின் அடிப்படையிலும் நுண்ணறிவுச் செயலியின் உதவியுடனும் இரு உரைகளிலும் உள்ள ஐந்து முக்கியக் கருத்தாக்கங்களை தொகுத்திருக்கிறேன்.

மரப்பாச்சி சந்திப்பு

படம்
கடந்த சனிக்கிழமை (29/08/26) அதிகாலை ஐந்தேகால் மணிக்கு காரைக்குடி ரயில் நிலையத்தில் இறங்கியவுடன் முதலில் கீழ்வானத்தில் இருந்த முழுமதி நிலவைத்தான் கண்டேன். கூடவே, சுனில் கிருஷ்ணனின் குருதிவழி நாவலில், காந்தியின் காரைக்குடி வருகையைச் சித்தரிக்கும் பகுதிகளும் நினைவுக்கு வந்தன. சமீப வருஷத்தில் புதிப்பிக்கப்பட்டதின் பொலிவோடு இருக்கும் ரயில் நிலையத்தின் தூய்மை இதமளித்தது. அழைத்துச்செல்ல வந்திருந்த சுனிலிடம் இந்த ஊரின் ஆன்மா அல்லது இந்த ஊர்க்காரர்களின் அடிப்படையான பொதுக்குணம் என்னவென்பதைக் கேட்டுத் தெரிந்துகொண்டேன்.

ஆபீஸ் - விமலாதித்த மாமல்லன்

படம்
புனைவிலக்கிய வடிவங்களில் நாவல் மிகுந்த ஜனநாயகத் தன்மையுடையது. உருவத்திலும் உள்ளடக்கத்திலும் பெரிய சுதந்திரத்தை நாவல் அனுமதிக்கிறது. கதையின் தொடக்கம், வளர்ச்சி, முடிவு என்ற மரபான வடிவத்தை நாவல் கொண்டிருக்க வேண்டிய கட்டாயமில்லை, வாசகனின் உணர்வுக்குவியத்தில் அது நாவலாக நிலைபெறுவதுதான் முக்கியமானது.

பா.கண்மணியின் இரு நாவல்கள்

படம்
பா.கண்மணியின் இடபம் மற்றும் வீனஸ் ஆகிய இரு நாவல்கள் நவீனகால இந்தியப் பெண்ணின் தன்னிலையைப் பேசுகிற நாவல்கள். இடபம் சில ஆண்டுகளுக்கு முன்பே வெளிவந்திருந்தாலும் வாசிக்கும் வாய்ப்பு அமைந்திருக்கவில்லை. டாங்கோ நாவல் வெளியானபிறகு, லதா அருணாச்சலம் தான் இடபம் நாவலைப் பற்றிக் குறிப்பிட்டுச் சொன்னார். இடபம் வாசித்தபிறகு எனக்கு அது ஒருவிதத்தில் டாங்கோவின் சந்தியாவைப் போன்ற ஒரு பெண்ணைக் குறித்த நாவலாகத் தெரிந்தது.

அண்மை அடையாளங்கள்

உளவியலில் Propinquity Theory என்றொரு கோட்பாடு இருக்கிறது, தமிழில் நாம் எளிமையாக அண்மைக் கோட்பாடு என்று வைத்துக்கொள்ளலாம். இதன் விஷயம் சாதாரணமாகவே எல்லோருக்கும் தெரிந்ததுதான். அருகருகே வசிக்கும் அல்லது அன்றாடம் புழங்கும் மனிதர்களுக்கிடையிலான பரிச்சயம்தான் ஓப்பிட்டளவில் அதிகமும் நட்பாகவோ காதலாகவோ தொழில் உறவாகவோ மாறுகிறது. சக மனிதர்களின் குணங்களையும் இயல்பையும் அறிந்துகொள்வதால் ஏற்படும் நம்பிக்கை அளிக்கக்கூடிய “நம்மவர்” என்ற உணர்வு மனிதர்களுக்கு எல்லா நிலைகளிலும் முக்கியமானதாக இருக்கிறது. புறவய அண்மையோடு சேர்த்து ஜாதி, ஊர், மதம் ஆகிய “அண்மை அடையாளங்கள்” நிறுவனங்களாக மாறி பெரிய வலிமையை அடைந்திருக்கின்றன. உங்களுடைய வாழ்க்கையில் இந்த அண்மை அடையாளங்களைச் சார்ந்தவர்களே அதிகம் ஆதிக்கம் செலுத்துகிறார்கள். இதில் நட்பை மட்டும் ஒரு விதிவிலக்காகச் சொல்லலாம். ஆனால் அதிலும் குறைந்தபட்சம் பெளதீகமாகவேனும் ஒருவர் இந்த ”அண்மை அடையாள வெளிகளைக்” கடக்க வேண்டும், இடம் பெயரவேண்டும், வெவ்வேறு கலாச்சாரங்களோடு வினைபுரிய வேண்டும், இல்லாவிட்டால் உங்களுடைய நண்பர்களும் நீங்கள் சார்ந்திருக்கும் அடையாள வெளியைச் சார்ந்த...

குற்றவுணர்வின் கொடுங்கனவு - கிறிஸ்டோபர் நோலனின் ’தி ஒடிஸி’

படம்
வீட்டை இழத்தல் என்பது மனித இனத்துக்கு என்றென்றைக்கும் தொடர்கிற ஒரு துயராக இருக்கும் என்பதை உலகின் முதல் மனிதர்கள் புரிந்துகொண்டதால்தான் அது காவியங்களிலும் இதிகாசங்களிலும் தவிர்க்க முடியாத கருப்பொருளாக இருந்திருக்கிறது, அவை வீடு திரும்புதலை ஏதோவொரு வடிவத்தில் பேசியிருக்கின்றன. ராமன், லஷ்மணன் மற்றும் சீதைக்குப் பதினான்கு வருஷங்கள், பாண்டவர்களுக்கும் பாஞ்சாலிக்கும் அஞ்ஞாதவாசம் உள்ளிட்டுப் பதின்மூன்று வருஷங்கள், ஒடிசியஸுக்கு இருபதாண்டுகள்.

”உண்மை” என்பது முடிவுறாமல் தள்ளிப் போடப்படுவது

படம்
தான் எழுதிய “திருப்பியடித்த வரலாறு” என்ற தஞ்சை மண்ணில் மார்க்சிய போராட்ட வரலாற்றை விவரிக்கும் நூல் வெளியீட்டு விழாவில், பெரியார் குறித்து ச.தமிழ்ச்செல்வன் பேசிய காணொளியில் விமர்சனத்துக்கு உள்ளாகியிருக்கும் அந்த குறிப்பிட்ட துணுக்கைப் பார்த்தேன். அவர் அதில் பெரியாரை, கம்யூனிஸ்ட் இயக்கங்களின் கோணத்தில், கீழ்வெண்மணி படுகொலையின் சூழமைவில் (context) விமர்சித்திருக்கிறார். விமர்சனத்தில் என்ன இருக்கிறது? பூமியில் சகலமும் விமர்சனத்துக்கு உட்பட்டதே, சொல்லப்போனால், தொந்தரவூட்டும் விமர்சனங்களில்தான் உண்மை கூடுதலாக இருக்கிறது. காய்தல் உவத்தல் இன்றிப் பெரியாரை அணுகுவதற்கு அரசியல் நோக்கு, சமூக நோக்கு என்ற இரு பகுப்புகள் அவசியமாகத் தேவைப்படுகின்றன. சுயமரியாதை, சமூகநீதி, சாதிக்கு எதிரான போராட்டம் போன்ற சமூக நோக்கில் தீரமிக்கவராக (Stalwart) இருந்திருக்கையில் அரசியல் நோக்கில் பெரியார் நடைமுறை சார்ந்தவராகவும் சமரசங்களுக்கு உட்பட்டவராகவும் இருந்திருப்பதாகத் தெரிகிறது. பெரியாரினுடைய அரசியல் என்பது தத்துவம் - களம் என்ற இரண்டின் இணைவு என்பதைவிட அதிகமும் களம் சார்ந்ததாகச் சொல்லலாம். அதே நேரத்தில் கடந்த பல தசா...

வெற்றி வேண்டுமா போட்டுப் பாரடா எதிர்நீச்சல்

படம்
பரவலாகச் சிலாகிக்கப்பட்டதாலும் எழுத்து மற்றும் கலையைக் குறித்த படம் என்று ஓரிரு நண்பர்கள் பரிந்துரைத்ததாலும் மாலிவுட் டைம்ஸ் திரைப்படத்தைப் பார்த்தேன். நன்றாகவே இருந்தது. தோல்வியைக் குறித்தும் இருண்மையைக் குறித்தும் கண்ணீரும் கம்பலையுமாக இல்லாமல் நகைச்சுவையுடன் எடுத்திருக்கிறார்கள்.

இரு கோள் இடைத்தூரம்

அ டுப்பில் கறி வேகும் வாசனை உறக்கத்தைக் கலைத்து எழுப்பியது. அம்மாவின் கைப்பக்குவமான செலவு மணம். சின்ன வெங்காயத்தை மொட்டாகத் தொலித்து கொத்துமல்லி தனியா , வற மிளகாய் , தேங்காய்த் துருவல் சேர்த்து வணக்கி அம்மியில் அரைத்த செலவு. கறிக்குழம்பு என்றில்லை , அம்மா அரைத்து வைக்கும் எல்லா குழம்புமே நல்ல ருசிதான்.

ஜாடிக்கு வெளியே இருக்கும் பூதங்கள்

தமிழில் தலித் எழுத்தையும் சினிமாவையும் ”நிலத்தை” மையமாக வைத்து மதிப்பிடுவது வேறொரு கோணத்தில் சரியான அணுகுமுறையாக இருக்கும். இன்னொரு விதமாகச் சொல்வதென்றால் சாதியை நகர்ப்புற மற்றும் கிராமிய தலித் சமூகத்தினர் எப்படி அணுகுகிறார்கள் என்று யோசிப்பது.

அழகு உருவம் - அழகு அருவம்

நாம் பெரிதும் நாயக மனோபாவம் கொண்டவர்கள். அது நம் மரபிலேயே இருக்கிறது. சங்ககால அகப்பாடல்களில் கூட ஆணின் வீரமும் தீரமும் கொடையும் போற்றப்பட்டிருக்கின்றன. ஒரு நாயகன்/நாயகி என்போர் நம்மால் அடையமுடியாத ஆசைகளை, நமக்குச் சாத்தியமாகாத சாகசங்களை நிகழ்த்திக் காட்டுகிறவர்கள். அழுக்கும் வியர்வையும் படிந்த நம் உடல்களுக்கு மெய்நிகராக அமையும் தூய்மையான, ஒளிரும் மாதிரிகள். அதற்கும் அடியிலிருந்து நம் நாயக மனோபாவத்தை இயக்குவது நம்முடைய பாலிச்சை. நாயகத்தன்மை என்பது அழகின் இன்னொரு வடிவம்.

இசங்களைக் குறித்த எளிய குறிப்புகள் (2) - பின்நவீனத்துவம்

உண்மை, அறிவு மற்றும் யதார்த்தம் குறித்த கருத்தாக்கங்களில் நிலவிய மரபான கருத்துக்களை மறுத்து உருவான பெரும் அறிவியக்கமே பின்நவீனத்துவம். 20ஆம் நூற்றாண்டின் மத்தியில் எழுந்த பின்நவீனத்துவச் சிந்தனையானது பெருங்கதையாடல்களின் மீதான ஐயப்பாடு, சமூகரீதியாகக் கட்டமைக்கப்படும் அர்த்தத்தின் தன்மைக்கு முக்கியத்துவம் கொடுத்தல், பன்மைத்தன்மையின் மீது கவனக்குவிப்பை நிகழ்த்துவது, வேறுபட்ட கண்ணோட்டங்களை முக்கியத்துவப்படுத்துவது போன்றவற்றை அடிப்படையாகக் கொண்டது.